مدونة احمس

يا جماعه بجد جالي صداع من شوية الرعاع الحاقدين دول
هوه يا معارض انت وهوه علشان البابا بتاع سيادتكم مش رئيس جمهوريه
تقوموا تحقدوا على ولاد الرؤساء !!
بطلوا الحقد الطبقي ده بقى .. وكل شويه توريث توريث ..
هوه السيد الرئيس (طول الله عمره) هيتنازل عن الحكم
فى الوصيه لا مؤاخذه يعني
ابداً ابداً مش هيحصل الكلام ده ..
انتخابات نزيهه .. مش استفتاء كمان ..
والراجل هيكسب .. لان الناس بتحبه ..
مشوفتوش فيديوهات التأييد والحب من دلوقتي عاليوتيوب ولا ايه !!
ده حتى الحكومه الالكترونيه بتحبه ..
حد فيكوا شاف دومين على .eg علطول غير بتاع حمله شارك ؟؟؟
وبعدين هو اي واحد سياسي عايزين تحرموه من حلم الرئاسه
علشان والده كان رئيس او مازال رئيس ؟!
طيب ماهو امريكا اهيه اللى عمالين تقولوا على حريتها وديموكراتيتها مسك فيها بوش الاب وبوش الابن ..
ايه يعني لما يبقى عندنا مبارك الاب ومبارك الابن زي امريكا كده واهو نبقى مشتركين معاهم فى حاجه من نفسنا ..
ولا هوه يعني علشان كان فى كام رئيس فى النص بينهم يعني ..
ادعوا معايا ..
ربنا يخليلنا الزعيم القائد .. وابن الزعيم القائد .. آمييين
ربنا يطول فعمرنا لما نشوف ابن الزعيم القائد زعيم قائد … آمييين

انت مبتدعيش ليه ياجدع .. انت كافر ولا ايه ؟؟!!!

اثناء تصفحي لاحد المواقع* بالصدفه البحته
لقيت خبر عن حكم بالجلد 79 جلده على شاب امام محكمة القنفذه في السعوديه
وده مش حد من الحدود الاسلاميه .. يعني المجلود مكانش بيشرب الخمر ولا حتى بيزني
المجلود كل تهمته “تلفظه واعتداءه على رجل أمن بالقرب من أحد المجمعات التجارية”
يا حلولي يا ولاد .. يمكن ده مغاظنيش بنفس القدر اللى غاظني بيه تعليقات الناس على الموضوع !!
تأييد بنسبه 100% للحكم .. وتجاوز الموضوع الى حد الشماته وتعليقات من باب يستاهل قليل الادب !!
رد الفعل للمعلقين وهم بيمثلوا نسبه لا يستهان بها وان كانت تمثل الاغلبيه من المجتمع السعودي
فالمعارضين فى المملكه لاحكام الجلد صوتهم منخفض واعدادهم بسيطه امام هذا الطوفان المغيب على يد النظام الملكي لآل سعود ..
رد فعل الناس لا اخفيكم ذكرني برد فعل الشباب المصري على حملة لا للتجنيد الاجباري
فبالفعل التجنيد الاجباري هو عقوبه فيها انتهاك لكرامة المواطن المصري بتبدأ من اول “اقلع كرامتك والبس الميري”
وفيها انتهاك لحريته وحقوقه الانتخابيه والآدميه ده بالإضافه ان مفيش نص ديني بيفرضها على متبعي اي دين فمصر !!
فلا فى الدين الاسلامي فرض للتجنيد اجباريا ولا فى المسيحيه ولا حتى البهائيه بل ان بعض الطوائف بتحرم حمل السلاح نهائياً ..
ويمكن الاكتر من ده ان شباب كتير جدا بيدوقوا نار التجنيد فمصر وعارفين البلاوي اللى بتحصلهم بسببه
والغباء البيروقراطي المصري فى تصاريح السفر وغيرها .. وهم مقارنة باللى بيتعرضوا للجلد فى السعوديه اكبر بكتير
مع ذلك لسه بيدافعوا عنه وبنفس المنطق فاكرين فيه اصلاح للأدب والأخلاق وفاكرينه بيزرع اعتماد على النفس !!
فى حين انه بيعتبر اداه للذل والتنازل عن الكرامه واحترام الذات ..
ببساطه انا شايف ان اللى بيدافع عن التجنيد الاجباري فمصر بالظبط زي اللى بيدافع عن الجلد للى بيشتم عسكري فى السعوديه !!

* الموضوع هنا - قمت بالتأكد من الخبر من عدة مواقع اخرى لكن ادرجته لمشاهدة ردود الناس !!!

بنظره بسيطه لبنات مصر
نجد ان اغلبهم عندهم تقوس فى الظهر
والظاهره دي بشعه وغبيه جداً !!
ومش عارف اذا كان للمشكله دي مسببات صحيه زي سوء التغذيه مثلاً
لكن لما ببص لحالات معينه من البنات المحيطه
بالاقى انهم بيتغذوا كويس
ويمكن الذكور من نفس الاسره معندهمش نفس الظاهره ..
حاولت ادور على الاسباب اللى ممكن تكون السبب
هل مثلا كره البنت لكونها انثى نتيجه للثقافه الذكوريه اللى بتخليها تتمنى انها متولدتش بنت
من تمييز غبي بينها وبين اخواتها الذكور .. تقييد للحريه .. وتحرشات فى الشوارع .. الخ
ولا مثلا فقدان الثقه فى النفس بسبب الآراء الدينيه الإسلاميه المتشدده المنتشره
اللى بتعادي كل ما هو انثوي .. من اول شعر الانثى لغاية رسمها بدون اثداء فى الكاريكاتير !
والتحريم المكثف لصوتها ومشيتها ورائحتها .. ووصفها بنصف رجل .. وكائن نجس اثناء فتره الحيض ..
الا اني لقيت نفس المشكله عند المسيحيات برضه .. يمكن كل الاديان بتتبع نفس السياسه تجاه الانثى فى بلادنا ..
او يمكن خليط الذكوريه والدين بيؤدوا للنتيجه دي ..
ولا يمكن يكون كبر حجم الثدي عند البنت المصريه مقارنة بنظيرتها الاوروبيه ؟
ولا يمكن كبر الحجم مع النظره الدونيه للذات بيخليها بتحاول تخفي اي شيء بيرمز لانوثتها
انا شايف ان الموضوع معقد ..
بس تعالوا نسأل نفسنا العكس ..
هل مثلا صغر حجم الثدي لدى بنات اوروبا واليابان هوه اللى بيخليهم يشدوا ضهرهم !!
ولا هل ادراك الانثى لجسمها وعدم كرهها ليه نتيجه لعدم وجود التمييز الجنسي بالشكل اللى موجود عندنا هوه السبب ؟
فكروا فى السؤالين دول وانتوا هتفهموا ..
وحرام عليكم كفايه تشويه لبنات بلدنا اكتر من كده ..
لان كل واحد مننا مش هيبقى مبسوط لما يتجوز واحده “مأتبه” .. صحتها نفسيا وجسديا متدمره ..

بعض الأوقات اشعر بالتعاطف مع الحكومات المتعاقبه على مصر
ولا اعرف حقاً كيف يتعاملون مع تعداد سكاني يقترب من الـ 80 مليون نسمه
وهو تعداد يزيد عن سكان دول عظمى كفرنسا وانجلترا ويقترب من عدد سكان المانيا ..
طبعاً مع الفارق الحضاري بين مصر وتلك الدول .
اعرف انك كمواطن مصري سيخرج عقلك الباطن لك بفكرة “وايه يعني .. روح شوف الصين !”
مقارنة مصر بالصين هي مقارنه غير منطقيه على الإطلاق .. فعلى الرغم من التعداد الضخم الصين
وعلى الرغم من حجم تجارتها الخارجيه وقوة اقتصادها العالمي الا ان الدخل السنوي للمواطن الصيني يقترب من نظيره للمواطن المصري
بل ان معامل جيني (لقياس عدالة توزيع الدخل) ياتي لصالح مصر بفارق كبير عن نظيره الصيني
كل هذا ونرى المستوى المنحدر لطبقه كبيره جدا من المجتمع التى تعاني بمعنى الكلمه ..
لكن لماذا دوما تربينا ان ننظر لأسفل ولا ننظر لأعلى
لماذا لا نقارن مصر بفرنسا او بانجلترا او المانيا او حتى بتركيا ؟؟!!
بلا جدال انا لن اوافق ان تكون مصر كالصين لكني اتمنى ان اراها كفرنسا في يوم من الأيام ..
اريد هنا ان اقول ان لكل دوله طاقه بشريه تستطيع تحملها
فالمناطق المأهوله فى مصر هي منطقه الدلتا وشريط النيل بكثافه بشريه تعتبر الأكبر عالميا
وبكثافه سكانيه فى المناطق الصحراويه هي الأقل عالمياً ايضاً .
فنحن الآن نعاني من مشكله التوزيع السكاني داخل الدوله وزياده الكثافه بشكل خطير داخل الدلتا
بالإضافه الى ذلك نحن نعاني من اقتصاد لا يستطيع الوقوف على قدميه على الرغم من تنوع مصادره الهشه ..
فمصر حتى اليوم مازالت تأخذ معونه اقتصاديه امريكيه وتأخذ منح لبناء محطات البنيه التحتيه لتنقيه مياه الشرب ومعالجه الصرف الصحي
ولك ان تتخيل ان مصر تحصل على شحنات قمح كمنح من السعوديه التى وصلت للإكتفاء الذاتي من القمح منذ زمن !!
لماذا لا يرغب البعض فى ان يفهم ان هناك طاقه لكل دوله .. كما ان لكل سياره عدد محدد من المقاعد !!
على افضل الاحوال يجب ان ننتظر حتى تستطيع الدوله التحرك للأمام وتكون على استعداد لتوفير اماكن للزياده
مصر تعاني من بطاله فادحه .. تعاني من تراجع مستوى الخدمات الطبيه والتعليميه ..
اقتصاد هش قابل للتأثر بقنبله ارهابيه فى منطقه سياحيه او ازمه دبلوماسيه تعيد المصريين من الخارج !!
او حتى أزمه اقتصاديه عالميه تؤثر على حركه المرور فى قناه السويس !
وتعالوا لنلقي نظره على مراحل النمو السكاني داخل مصر تاريخياً :
عند احتلال العرب لمصر كان عدد السكان 2.5 مليون نسمه
وعند الحمله الفرنسيه 1798 كانت تقريباً نفس العدد
خلال القرن التاسع عشر وصلنا الى 10 مليون نسمه سنه 1900 بدأت الزياده مع نهضة محمد على حتى عصر اسماعيل .
لكن تعالوا نقارن الـ 100 سنه الماضيه :
عام 1950 عدد السكان 20 مليون
عام 1978 عدد السكان 40 مليون  (تضاعفوا فى 28 سنه!!)
عام 2000 عدد السكان 65 مليون
عام 2009 توقع 77 مليون نسمه !
طبعاً هذه الزياده لها اسباب مختلفه تتمثل فى الحروب التى اوجدت ثقافه الانجاب اكثر من ابن لاحتمال فقدان بعضهم فى الحروب
ومنها ايضاً تحسن مستوى الخدمات الطبيه فلم نعد نرى امراضاً تحصد آلاف البشر فى مكان ما
ومنها ايضا بناء السد العالى الذي حمى الكثير من البشر من الموت غرقاً فى الفيضان النيلي والكثير والكثير
لكن هذه الزياده التى لم نستطع حتى الآن استيعابها .. هذه الزياده التى اصبحت عائقاً فى نمو مصر
حائلاً يجعلنا دائما فى صفوف الدول الخلفيه بدلا من حجز مكان متقدم بين الدول المتحضره
آن الآن ان تتوقف .. بتشريعات قانونيه ما دامت قد فشلت كل محاولات التوعيه بتنظيم النسل فى اثبات جدوى فعاله
سيكون خطراً قومياً على مصر والمنطقه باكملها اذا تجاوز عدد السكان الـ 100 مليون مع استمرار هذا الوضع المتردي
من ضعف للإقتصاد والخدمات المجتمعيه وما تؤدي اليه من تأثيرات نفسيه مدمره وتأثيرات صحيه ..
اعتقد ان النمو السكاني الزائد عن طاقه الدوله هو سبب مباشر فى كل المصائب التى تحيط بنا من اول التحرش الجنسي حتى الفشل الكلوي وفيرس سي !
لا اريد ان ارى اليوم الذي يذهب فيه المواطن لياخذ تصريح قبل ان ينجب طفلاً جديداً
او يتم سجن مواطن لتجاوزه العدد الإنجابي المحدد له
فحتى نقطه التجنيد الاجباري لمن له اخوه ذكور لا تؤثر فى المصريين
ولا اعتقد انهم سيهتموا اذا حصل احد الابناء على تعليم وعلاج مجاني والآخر مدفوع !
لا اريد ان ارى هذا اليوم واعتقد انكم تتفقون معي فى نفس الإحساس ..

من القانون رقم 73 لسنة 1956 :

على كل مصرى ومصرية بلغ ثمانى عشرة سنة ميلادية أن يباشر بنفسة الحقوق السياسية الأتية :
اولا : ابداء الرأي في كل استفتاء ينص عليه الدستور .
ثانيا : إنتخاب كل من :
1- رئيس الجمهورية
2- أعضاء مجلس الشعب
3- أعضاء مجلس الشورى
4- أعضاء المجالس الشعبية المحلية
ويكون انتخاب رئيس الجمهورية وفقاً للقانون المنظم للإنتخابات الرئاسية ، وتكون مباشرة الحقوق الأخرى على النحو وبالشروط المبينة فى هذا القانون .
ويعفى من أداء هذا الواجب ضباط وأفراد القوات المسلحة الرئيسية والفرعية والإضافية وضباط وأفراد هيئة الشرطة طوال مدة خدمتهم بالقوات المسلحة أو الشرطة .

على الرغم من وجود بعض الأصوات التى تنادي من داخل الجيش والشرطه
للمطالبه بالحصول على حق التصويت والإنتخاب بالمساواه مع اي مواطن مصري
لكن هذا ليس بموضوعنا هنا .. فمن يذهب للعمل فى السلك العسكري او الشرطي يعلم مقدماً انه سيتنازل عن هذه الحقوق
المصيبه الكبرى تكمن فى سلب حق التصويت والانتخاب بالاجبار والإكراه ..
نعم فالتجنيد الإجباري يجعلك ضمن “المعفيين” إجبارياً من المشاركه بصوتك كمواطن فى الإستفتائات والإنتخابات ..
بالتجنيد الإجباري يتم سلب حقك فى المساواه بباقى المواطنين غصباً عنك .. يتم تحييد صوتك بلا تزوير او بلطجه
طوال مدة تجنيدك التى قد تمتد من سنه الى ثلاث سنوات انت ممنوع من ممارسه الحقوق السياسيه ..
ممنوع من انتخاب عضو مجلس شعب يعبر عنك .. من انتخاب رئيس جمهورية تعتمد عليه وتثق فيه
ممنوع من ابداء رأيك فى اي تعديل دستوري او اي استفتاء آخر وكأنك مجرم او خائن للشرف وبدون اي محاكمه !
وهذه نقطه سوداء اخرى تضاف الى نظام التجنيد الاجباري تشوب دستوريته وتجعلنا اكثر اصرارا على إلغائه .