مدونة احمس

الاسبوع اللى فات
كنت هفطس من الحر فى الزقزوقه
وقاعد لوحدي فى البيت مقضيها علب تونه لما خلاص فيصت
يوم الاتنين امتحنت فى المرور علشان اطلع رخصه الموتوسيكل
ودي كانت تاني مره اسوق فيها موتوسيكل فحياتي
وطبعا البشمهندس اصطادني من وسط اللى بيمتحنوا كلهم
وقالى لف فى الشارع من غير ما تلمس الارض برجلك
اديت المهمه بنجاح .. بس كنت بنط بالموتوسيكل زي الحصان
قالى روح اتدرب اسبوع وتعالى .. يالهوي اسبوع ايه !!
كلمت واحد معرفه قالى تعالى بكره وهخليهم يمتحنوك تاني
اتصلت بصديق واحد قريبي عنده موتوسيكل صيني
نزل قابلنى وقعدت نص ساعه اسوق فى شوارع الزقزوقه
تاني يوم طلعت على المرور وواخد الراجل ياعيني بموتوسيكله معايا
دخلت امتحن .. واثق من نفسي بقى .. اتعلمت انزل الموتوسيكل وارفعه وادوره وقشده
لسه بركب على الموتوسيكل لقيته بيقولى اقلع النضاره .. قلعتها قالى خلاص روح وتعالى اتصور بكره
ياعم انت ! مش هتمتحني ولا ايه !!
لقيت الراجل اللى معايا قالى اخلص اطلع بره
المهم رحت اتصورت والحمد لله وخدت الرخصه .. مع العلم معنديش موتوسيكل
المهم قلت خلاص كده النهارده بالليل على اسكندريتي الحبيبه
الساعه 8:10 مساءً بدأت فى التجهيز
8:30 كنت فى التاكسي
8:50 كنت فى المحطه
تذكره اسكندريه مكيف .. الراجل خد العشرين جنيه واداني اتنين جنيه معدن
او تلاته مش فاكر بالظبط
دخلت عالرصيف وقفت وحطيت الشنطه بجواري .. حلوه بجواري دي
عيل غتيت نط عليا .. معرفش طلع منين
والنبي ربع جنيه .. والنبي ربع جنيه .. يارب تتجوزها
اتجوز مين يابني انت !!!!
انا ماشي لوحدي انتوا ايه متبرمجين
حطيت ايدي فجيبي لقيت الجنيهات الفضه .. قلت خد ياعم جنيه بحاله اهه
لقيت الواد بصلى باستعباط كده .. ده جنيه ده !!
كنت هموت من الضحك .. ايه يابني انت كنت فغيبوبه ولا ايه !
ده انت المفروض عارف عملات البلد اكتر مني
وصل القطر وركبت .. دخلت العربيه 1
فين كرسي 51 .. فين فين ..
قوم ايه بقى .. العربيه مفيهاش كرسي 51
احنا هنهرج ولا ايه .. فين يا جدعان الكرسي
الناس تدور معايا مفيش 51 !
طيب نشوف التسلسل بقى .. 48 – 49 .. 40 – 41 .. 52 – 53
قلت مش مشكله مفرقتش 41 من 51 .. احنا فسكك حديد مصر
الراجل اللى جنبي كان محترم .. رائد جيش ومقضيها نوم
وكان في طفل فى الكرسي اللى قدامي هريته اشتغالات طول السكه
وصلت سيدي جابر سالما بحمد الله
فى اعمال بناء فى المحطه والرصيف مقفول فى مناطق كتيره
المهم مصدقت خدت تاكسي .. بشر ياسطى ..
واول ما شفت البحر حسيت بانشكاح عجيب
والحمد لله البلد لسه متزحمتش وكنا بالليل فالتاكسي مخدش وقت طويل
ووصلت اخيرا .. واتعشيت لحمه !!
كانت واحشاني جدا .. الله يحرق التونه وسنينها

لم تكن فكره الحق الانساني فى المساواه فى الحريات التى تحدثت عنها فكره من اختراعي
فى سنه 1941 اعلن فرانكلين روزفلت عن الحريات الاربعه التى يجب ان يتمتع بها كل انسان فى العالم
والتى لخصها روزفلت فى الآتي :

• حريه الرأي والتعبير
• حريه التدين
• التحرر من الخوف
• التحرر من الحاجه

وهذه الحريات تضمنها فيما بعد الاعلان العالمي لحقوق الانسان .. للمزيد.
خارج الموضوع .. بمناسبه الحريات الاربعه
توجد اتفاقيه بين مصر والسودان معروفه باسم الحريات الاربعه
والتى تضمن :

• حق التنقل
• حق الاقامه
• حق العمل
• حق التملك

لكل من مواطني مصر والسودان وهذه الحقوق جائت دعما لما يسمى بالتكامل الاقتصادي بين الدولتين .

ببساطه .. انا ارى انه من حق الانسان المصري
ان يتمتع بكافه الحقوق التى يتمتع بها الانسان الفرنسي
بغض النظر عن الايدولوجيات المسلوكه لوضع القوانين فى المجتمع المصري
من منظوري .. ان حق الانسان المصري يفوق الدعوات للحرمان من الحقوق المتاحه للمواطن الفرنسي
تحت اسم الدين مثلا .. فمن حق المواطن المصري ممارسه الجنس عن طريق “الدعاره” اذا لم يجد وسيله اخرى
ولا يعد حرمانه قانونيا منها فى مصر بناء على ايدولوجيه الدين الاسلامي او تقاليد المجتمع شيئاً مقبولاً
وان كنت ارى ان الوثيقه العالميه لحقوق الانسان حاولت بشكل او باخر ضمان الحريات الاساسيه
الا انها لم تتمكن فعلا من اجبار الدول الناميه من توفير هذه الحقوق لمواطنيها
ومع انى ارى ان حال مصر افضل من بعض الدول الاخرى فى مجال الحريات والحقوق الشخصيه
الا اني لست متفائلاً تجاه المستقبل فما اراه حولى يشعرني باحباط شديد
فانا لا ارى اي تقدم ولو بطيء وارى ازدياد فى المقتنعين بحذف حقوق اي انسان فى الحياه او التعبير
او من الممكن ان اكون واهماً الا ان هذه النظره السودويه موجوده فى عقلي ..

وافقت اللجنه الدستوريه والتشريعيه فى مجلس الشورى
من حيث المبدأ على مشروع قانون انتخاب اعضاء مجلس الشعب
يتم فيه اضافه 32 دائره انتخابيه يكون الترشيح فيها للمرأه فقط ..
اذا كنا سنتدخل فى فرض عدد اجباري من المواطنيين مميزين جنسياً كاناث كاقليه
هل من الممكن ان ياتي يوم مثلا ونطالب فيه بتخصيص مقاعد لمزدوجي الجنس مثلاً ؟
واذا كنا نرفض التمييز بناء على الجنس واللون والدين كما ينص الدستور
ونرفض تخصيص كوته من الاقباط فى المجلس
اذا كنا نرفض التمييز بناء على الدين بين اعضاء مجلس الشعب
فبأي منطق قانوني توجد هذه الازدواجيه فى تخصيص مقاعد للمرأه ..
انا لا ارى اي دستوريه فى قانون مثل هذا ..
اذا كنا سنرفض التمييز بناء على الجنس والدين واللون
وسنرفض تخصيص مقاعد للاقباط او اي كيان ديني
فيجب ايضا عدم تخصيص مقاعد للمرأه
انا لا دري كيف اتقبل هذه الازدواجيه
وان كنت افضل ان تحتل المرأه مكانتها السياسيه التى تستحقها
متساويه مع الرجال فى منافسه انتخابيه حقيقيه يكون البقاء فيها للافضل ..