وانا ارى ان دور الجبهه فى استضافه الجمعيه فى العديد من المحافظات هو دور يحسب له كحزب سياسي مصري
فى حين انسحاب الاحزاب الاخرى بل ووقوفها فى موقف معادي للجمعيه ..
ولكن دوما ما كنت ارى من النشطاء رفضهم للاحزاب واتهامهم لها بانها احزاب هشه وصوريه
ولا دور لها فى الواقع السياسي .. وانا ارفض هذا الاتهام ..
هناك احزاب سياسيه جاده .. تحاول احياء الحراك السياسي الميت فى المجتمع المصري
بالرغم من القيود الاقتصاديه الممثله فى الموارد الماليه المحدوده ..
والقيود القانونيه الاخرى التى تستوجب احترامها للحفاظ على الشرعيه القانونيه !
لم يقف احد ليطالب مثلا بخصم التبرعات للاحزاب السياسيه من الضرائب ليتم تمويل الاحزاب من رجال الاعمال
كبقيه الجميعات الاهليه المصريه .. والامثله اخرى كثيره ..

نعود لموضوعنا .. هذه بعض الصور التى التقطتها للندوه التى تحدث فيها
العديد من ممثلي الجمعيه فى المحافظات الاخرى .. واحد المرحلين من الكويت بسبب نشاط الجمعيه هناك
اترككم مع الصور ..

ونكتفي بهذا القدر ..

واليوم كان مثمرا جدا من وجهة نظري حيث تفاعل الحاضرون مع الموضوع
مع تقديرهم لخطوره وحساسيه قضية الجيش والامن القومي المصري والحريه الفرديه
بدات الندوه موضحا عيوب التجنيد الاجباري واثاره السلبيه على المجتمع
واتبعني الناشط احمد سعد متحدثا عن الحلول البديله وبعض الاوضاع المترديه داخل المؤسسه العسكريه
ثم تبعه الناشط مايكل نبيل متحدثا عن حق الرفض الواعي
واختتمت الندوه بنقاش مطول مع الحاضرين عن استفساراتهم واقتراحاتهم

واثار انتباهي ان المشاركات والنقاشات كانت من كبار السن فى الاغلب فى الوقت الذي صمت فيه الشباب الحاضرين
بالرغم من ان هم من سيتعرضون للتجربه قريبا وستاثر عليهم بشكل مباشر !

]]> http://www.ahmo.se/post218.html/feed 0 http://www.ahmo.se/post210.html http://www.ahmo.se/post210.html#comments Fri, 19 Mar 2010 14:39:51 +0000 احمس حسن http://www.ahmo.se/?p=210 طيب انا هبدا بمقدمه معبره شويه ..
عصور الاستبداد البوليسي التى مرت على مصر منذ انقلاب عسكر  1952
ادت الى قتل روح المشاركه المجتمعيه واحساس المواطنين بدورهم فى الحراك السياسي
نتيجه لانتشار عمليات الاعتقال والحبس بدون المرور بالسلطه القضائيه او اجراء محاكمات عسكريه صوريه
وتطبيق قوانين مثل قانون الطواريء بمواده المنتهكه للحريات والحقوق التى يحفظها الدستور ..
ممكن حد يختلف معايا فى جزئيه او اتنين من المقدمه لكن النتيجه اللى كل القوى السياسيه فمصر متفقه عليها
هيا ان فعلا الشعب بقى ميت سياسيا والعمل المجتمعي والمشاركه المدنيه بقت فى ادنى مستوياتها ..
العجيب بقى .. بعد الثوره السياسيه اللى بدات من 2005 مع ظهور حركة كفايه وشباب سته ابريل ودعوتهم للاعتصام السلمي
وحركات المظاهرات والاعتصامات الفئويه “كما يسميها منسي” ان حاجز الخوف بدأ فى الزوال
الناس بدأت تعبر عن اللى جواها من تاني وتنزل للشارع .. وكان اخرها البرادعي ونقاش رجل الشارع العادي بكثافه عنه
العجيب اني كنت فمنتدى مصري للسيارات … واذا بي افاجأ بالقرار العجيب بمنع الكلام فى السياسه فى المنتدى
لان البلاد تمر بظروف حرجه ولا نريد ان يتسبب المنتدى فى اذى لاحد اعضائه او ادارته .. ياخي إحترم نفسك !!
طبعا هوه موقعه وهوه حر .. لكن موقف ضد التيار .. بيعمق الصوره الاولانيه ..
المجد للحريه !

الكاميرا طول الطريق كانت فايد عوف .. فهتلاقوا صور عجيبه
ولولا اني كنت سايق العربيه .. كنتوا هتلاقوا صور اعجب

اول يافطه تحدد المسافه بـ 39 كيلو متر لصان الحجر
مع الاعتذار للواد اللى تحت اليافطه .. محدش يركز معاه .. الله يفضحك يا عوف زي ما فضحته

بالمناسبه .. عوف صور حوالى 10 صور لغسيل منشور في البيوت
شكله ناوي يعتزل البرمجه ويسرق غسيل !

كان نفسي اصورها انا دي .. عاجباني جدا !

وفي الوقت اللى كان فيه عم عوف ماسك كاميرتي متمتعا بهوايتي المحبوبه التصوير
كنت انا سايق العربيه (من هواياتى برضه هع) على سرعه 110كم/س متجاوزا السرعه القانونيه بـ 30 كم/س

ومع ان سرعتى مش سريعه برضه .. الا انى كلت حوالى 5 مطابات على سرعه
بالشفا

توكتوكز

طبعا محدش يقدر يلومها .. قال وعدت فاوفت قال !!
كانت بلد ابوها هيا توعد وتوفي .. الاستاذه ساميه خليفه ..
دي مش ملكه علشان تمنحنا الحريه .. دي بلد فيها دستور ونظام جمهوري
وهيئه تشريعيه بتحط القوانين !!
ده اذا كان ده قانون يستاهل الشكر عليه اصلاً
ده تمييز غبي .. ان كان ليكي رغبه فى المشاركه السياسيه
متدخليش على مقعد المرأه .. لانه بيحمل جواه اهانه للمراه المصريه
واعتراف متواري بعدم قدرة السياسيه المصريه على منافسه الرجل المصري سياسياً !
والله يرحمك يا حتشبسوت .. تعالي شوفي حفيداتك ..

تكييفات فى الدور الارضي .. وفقر وتخلف فباقى الادوار !

لسه في يافطه مكتوب عليها تانيس .. ده شيء مبشر !
كان نفسي اخدها بزاويه احسن من كده .. بس يالا بقى نو بروبليم .. المره الجايه

ده مفترق طرق .. واليافطه لا قالت نمشي يمين ولا شمال .. هوه فى النهايه الاتنين بيوصلوا لطريق واحد
بس احنا وقفنا قدام اليافطه محتارين نمشي من انهي طريق ؟!

واخيرا وصلنا .. فى خلال السنه دي حصل تطوير ..
تم رصف طريق من الطريق الاساسي للدخول لمنطقه الاثار وتجهيز مكان لركن الاتوبيسات
لكن تم فصل المنطقه عن القريه (بقت مركز من 2006)
وده شيء انا شايف انه مجحف !
مفيش فرصه للسكان لفتح اي نشاطات تستهدف الحركه السياحيه مستقبلا
كسوبر ماركت مثلا او بازار .. الخ

No Touch any Monuments
ده انجليزي ده يا مرسي ؟؟ نو تاتش خخ !!

خريطة الموقع

ومن هنا بدات التصوير
والفضل للكلب ده .. عوف ساب الكاميرا وجري

ده يبدوا كده انه طريق جديد هيدخل على المعبد علطول ..
من المدخل الخارجي .. كلها سنه ونشوف ايه اللى هيتم هنا ..

وفيما يلي نقوش الجدران الداخليه لاحد المقابر

النقوش على الاثار فعلا بتبدا في التلاشي
مش بنفس الوضوح بتاع السنه اللى فاتت ..

دي نقوش فى سقف مدخل احد المقابر اللى استفزتنى انى ادخل جواها اشوف في نقوش تانيه فى السقف ولا لا

لكن مكانش فيه غير نقش على شكل حرف A

ده نقش مش واضح المعالم

حاولت المرادي اخد صور بزوايا مختلفه
اتمنى تعجبكم ..

ده مدخل احد الابار .. وحسب شرح احد المصاحبين لينا ..
كان بيستخدم لتخزين المياه .. ولقياس منسوب المياه فى فرع النيل التانيسي

والمرادي صححت المعلومه الخاطئه اللى اتقالتلنا المره اللى فاتت ..

الاحجار دي اتنقلت من اسوان عن طريق فرع النيل التانيسي
وتم نحتها هنا فتانيس ..

وبالمناسبه دي قلت اخد شويه صور تذكاريه .. هع

وهنا نبقى وصلنا لاخر معبد امون .. وفي الخلفيه سور المدينه
مبني من الطوب .. وعلى كل قالب في ختم للملك ..

الحجاره دى بالفعل تلاشت النقوش اللى عليها .. واعتقد بكده مبقاش ليها اى قيمه اثريه !

مبنى على شكل قبه قيل انه من العصر الاسلامي
ومش فاكر بالظبط كان ايه استخدامه …

واثناء الخروج اكتشفنا ان فى جزء تاني مستخبي مشوفناهوش المره اللى فاتت
معبد خونسو

والمعبد لسه جاري التنقيب فيه .. التنقيب بيتم فى الصيف كل سنه حوالى 3 شهور
وبيتم على ايد خبير اثار اجنبي مش متذكر اسمه
بييجي كل سنه ومعاه مجموعه من الطلبه للتنقيب
وبيجيب معاه كل سنه مصاريف التنقيب من جامعته
وده يطرح تساؤلين ..
اولهم .. هل احنا شحاتين علشان منقدرش نمول عمليات التنقيب ؟
ثانيهم .. هل معندناش كفائات مصريه تقوم بالتنقيب بشكل مستمر … ولو تطوعي ؟
نرجع لمرجوعنا .. تحت المنطقه دى في زي خزان ميه في نقوش على جدرانه

تم الردم عليه علشان ميفقدش النقوش لغاية ما يرجع الدكتور تانى ينقب !
وبكده نكون ختمنا رحلتنا داخل منطقه الاثار

منسي فى حاله انشكاح !

وبكده ياعم عوف .. يكون ذنب الواد اللى فى الاول كفرت عنه

وقبل الخروج من صان الحجر .. استفزني شيء جداً

لفظ نبايع !!
اي شخص بيدخل المجالس التشريعيه او المحليه بيدخل بالانتخاب مش بالمبايعه
انسوا الفاظ الجاهليه دي .. اسمها انتخابات !!!
مش مبايعه !!!!!!!!!!!!!!!!!!!!!

—-
الصور ملتقطه بكاميرا
Canon 450D
عدسه
18-55
بدون فلاتر
الصور مصغره للنشر (اضغط على اي صوره للتكبير)
واللى ليه رغبه فى الحصول عليها بكواليتي اعلى يقدر يطلبها .. مجاناً متخافوش

]]> http://www.ahmo.se/post191.html/feed 0 http://www.ahmo.se/post181.html http://www.ahmo.se/post181.html#comments Sun, 20 Dec 2009 16:50:14 +0000 احمس حسن http://www.ahmo.se/?p=181 قررت النهارده اني اروح اعمل بطاقتي الانتخابيه
قمت مصور بطاقه الرقم القومي نسختين احتياطا
وضارب قلم فجيبي احتياطا برضه
وواخد نفسي وطالع على القسم التابع ليه سيادتي
الا وهو فى حالتى قسم ثان الزقازيق ..
وصلت القسم .. العسكري اللى على الباب بيقولى سيب الموبايل
استعبطت وقلتله معييش موبايل ..
مش فاهم انا بانهي مرجعيه قانونيه بيمنعوا الناس من حيازه وسائل اتصال داخل اقسام الشرطه !!
طلعت الدور الاول علوي .. شمال فشمال لقيت اللجنه الانتخابيه فوشي فآخر الطرقه
دخلت اللجنه .. سالني الموظف انت مولود فين بالظبط .. وقام ماسك ملف طويل عريض
خد البطاقه وقعد يدور على اسمي فى الملف .. وحدث ما كان فى الحسبان ..
انا مش متقيد .. طيب ايه العمل ..
هات ورقه طلب قيد فى الجدول من الاستاذ ده (مكتب على اليمين فى نفس الغرفه)
اداني الورقه .. مليت البيانات (الاسم والمهنه وتاريخ الميلاد والعمر والعنوان الخ)
الموظف مضى عليها وقالى روح امضيها من مأمور القسم ..
المأمور فنفس الدور .. هتاخد يمين فشمال فآخر الطرقه هتلاقي مكتبه على يمينك
بس لما رحت لاقيته قافل ومش موجود .. رجعت للافندي تاني
قالي انزل بقى لنائب المأمور تحت .. خدت السلم ونزلت
مكتب نائب المأمور على الشمال وانت نازل من السلم
دخلت وقع على الورقه وطلعت تاني
اديت الطلب وصوره من بطاقه الرقم القومي للموظف
كتب اسمي فملفين كبار .. واحد للمديريه والتاني مش عارف بتاع ايه
واداني رقم وقالى ده الرقم الانتخابي بتاعك .. وتعالى استلم البطاقه فشهر 4/2010
وبكده انتهت التجربه على خير ..
جدير بالذكر انك ممكن متحتاجش تعمل كل ده ويكون اسمك متسجل ويتعملك البطاقه وانت واقف
بس ممكن يتعمل فيك زيي كده .. المهم انك متأنتخش وتروح تعمل البطاقه مادمت اكبر من 18 سنه
وخلى بالك فى انتخابات مجلس الشعب السنه الجايه .. والسنه اللى بعدها الانتخابات الرئاسيه ..
متضيعش الوقت وروح طلع بطاقتك الانتخابيه

الطريق مستواه سيء جدا وغير مضاء فاغلب فقراته

لكن حسب ما رايت انه جاري فصل الاتجاهات وعمل ازدوج للطريق بدايه من الاسماعيليه

وتقريبا في كوبري جاري بناءه قبل ابو حماد ..

ورفض الاباتشي لاي ريكوستات قادمه من اي موقع غير الموقع الرئيسي ..

لكن ماذا اذا اردنا السماح للزوار بوضع الروابط فى اكثر من مكان

لكن مع حظر موقع بعينه من استخدام هذه الروابط ؟

اعتقد ان وضع الكود التالي فى ملف htaccess سيؤدي الغرض :

RewriteEngine on
RewriteCond %{HTTP_REFERER} ^http://(www.)?example.com(/)?.*$ [NC]
RewriteRule .*.(rm|ram|mp3)$ http://www.example.com/error.html [R,NC]

قم بتعديل السطر الثاني ووضع رابط الموقع الذي ترغب فى حظره

وفى السطر الثالث قم بوضع الرابط الذي ترغب فى ان يتم تحويل الزائر اليه

وطبعا يمكنك تغيير امتدادات الملفات بين القوسين باضافه امتدادات اخرى او تعديلها حسب احتياجك.

أمين تنظيم الحزب الوطني الديمقراطي
(المؤتمر السنوي السادس)

• الخطاب كان مقروءاً من مجموعه ورقيه (على الرغم من تجهيزات القاعة الضخمة إلا انه لم يكن يقرأ من على شاشه كتلك التي استخدمها الرئيس الأمريكي باراك اوباما في خطابه من جامعة القاهرة) مما أعطى انطباعا بخوفه من النظر مباشرة إلى الحاضرين لاضطراره للنظر اغلب الوقت في الأوراق والنظر إلى الحاضرين من زاوية منخفضة .
• التصريح بوجود قاعدة بيانات ومعلومات تضم بيانات جميع ناخبين الحزب وإمكانية الاتصال المباشر بهم لحشدهم وقت الانتخابات.
• التصريح بوجود هيكل تنظيمي جديد مبني على الانتخابات لا التذكية أو التعيين على أكثر من مستوى تنظيمي مما أعطى انطباعا للأعضاء بتأثير دورهم وامتلاكهم للحزب حسب قوله .
• اختصار الإعلام في الإعلام المعارض واستهجانه لانتقائية المواضيع السلبية من قبل الإعلام وكأن الحزب الوطني بحكومته لم تعد في جعبته أداه إعلاميه مقروءة ومرئية متمثله في الجرائد القومية والقنوات الأرضية والفضائية الحكومية .
• أتفق معه في أن المعارضة الحزبية لم نر منها مشاريع جديه أو منجزات ملموسة على ارض الواقع وان كنت أرد ذلك لأسباب كالقيود الأمنية وضعف الإمكانيات المادية لقوى المعارضة الشرعية المتمثلة في الأحزاب .
• قام بالهجوم بشكل منطقي من وجهة نظري على التيار الإخواني واصفاً إياهم بالمتمسحين بالدين وبالتيار المتطرف الذي لا يمارس السياسة متطرقاً لواقعه رفع الحذاء داخل البرلمان والاستعراض الشبه عسكري الذي وصف طلبته بالميليشيات وأيضا تطرق لانسحابهم من البرلمان واعتصامهم خارج أسواره .. واصفا لهم بأنهم لا يراعون مصلحة الوطن معللا ذلك بأنهم يفضلون المسلم غير المصري على المصري غير المسلم في إشارة لتصريح المرشد (مهدي عاكف) بأنه يفضل أن يحكمه ماليزي أو اندونيسي مسلم على أن يحكمه قبطي مصري . واصفا لهم بأنهم ضد الديمقراطية بأنهم سيفرضون نظاما ثيوقراطيا متشددا في قوله بأنهم سيحكمون بأمر الله ومن ذا الذي يجرؤ أن يعارض الحاكم بأمر الله متطرقاً لأنهم سيفرضون زيا موحدا للرجال وللنساء وسيعتدون على الحريات الشخصية وإنهم يطالبون بالديمقراطية مره واحده حتى يصلوا للحكم وبعدها لن يكون هناك ما يسمى بالديمقراطية إلى الأبد . وكما نرى فقد خصص السيد أحمد عز لتفنيد مساوئ التيار الإخوانجي مساحه من وقته تجاوزت كل نقاط خطابه الأخرى دون إن يتطرق لمساوئ التيارات السياسية المعارضة الأخرى مثلاً وكأنه يريد أن يؤكد على تلك الرسالة المستترة بأنه نحن كحزب وطني بقدراتنا وديمقراطيتنا أو الإخوان المسلمين بجهلهم السياسي وعداؤهم للحريات ورغبتهم في فرض الدين بالقوة .. متجاهلاً تيارات سياسيه صعدت بقوه على الساحة وكأنها غير موجودة تماماً .
• صرح بان نواب الوطني أحرص على المواطن المصري من المعارضة واستدلاله بأن نواب الوطني قد وافقوا على قوانين لصالح المواطن مثل تجريم ختان الإناث ومد المنطقة الحرة ببورسعيد وزيادة المرتبات للموظفين .. في الوقت الذي رفضت فيه قوى المعارضة أمام الإعلام هذه القوانين على الرغم من موافقتهم عليها كمشاريع قوانين داخل اللجان (وكأنه يشير لازدواجية مواقفهم) وأيضاً متغاضياً عن أن هذه القوانين هي من طرح الحزب الوطني وكأنه من المتوقع إن يرفض نواب الوطني قوانينهم !!
• دمجه مره أخرى للمعارضة ككل في بوتقة واحده وهي الإخوان الذين يعارضون من أجل المعارضة وتركيزه على استخدام لفظ “هم” أكثر من مره ومقارنه مواقف هؤلاء الـ “هم” بمواقف نواب الوطني .
• صرح بان الحزب ينشر الفكر التنظيمي الإداري عن طريق أعضائه في المجتمع وفى النقابات المهنية وهو بذلك يشير إلا أن أعضاء الحزب يكتسبون مع الوقت القدرات التنظيمية .. وان كنت أرى فقراً حقيقياً في الفكر التنظيمي لدى المواطنين.
• تركيزه على إبراز مساندة الحزب لأعضائه عن طريق ذكر عضو الحزب ضحية واقعة الحذاء ذاكرا أصله الصعيدي واسم مدينته وأيضا ذكره لأمناء المحافظات بالاسم وبعض الأعضاء أصحاب النشاط داخل الحزب.
• في محاوله منه للقول بأن أعضاء الحزب يحترمون قيم المواطنة توجه بالشكر للأعضاء المسلمين (كأغلبية) في وحده مقاده بالمنيا لحصول احد الأعضاء وهو مسيحي على جميع أصوات الوحدة .. متناسياً تصريح قيادات الحزب برفض انضمام البهائيين لصفوفه معللين ذلك بان الأعضاء سوف يرفضوا هذا التواجد البهائي .. متناسياً أيضاً أن منازل البهائيين في الشورانيه تم حرقها بتحريض من أمين شباب الحزب الوطني في القرية ولم يقدم الحزب أي دعم ولو معنوي لهم في البحث عن حقوقهم كأقلية !!
• قام في نهاية الخطاب بإرسال التحيات لأبرز قيادات الحزب بادئاً بألقابهم أو مناصبهم كصفوت الشريف و زكريا عزمي ومفيد شهاب وعلي الدين هلال إلا أنه الحق بهم “جمال” بلا ألقاب واصفاً إياه بمفجر ثورة التحديث والتطوير في الحزب .. مع وصله من التصفيق تجاوزت كل سابقيه من قيادات .. ذاكراً إياه قبل والده مباشره رئيس الحزب وكان جمال أصبح الرجل الثاني في الحزب متجاوزاً كل تلك القيادات السابقة في ما أفسره على أنه دلاله واضحة لمباركة السيد أحمد عز على أن يصبح جمال خلفاً لوالده في رئاسة الحزب ومصر .

مشاهدة الخطاب