أغسطس12009
تخيل .. سياسه دينيه بجد فمصر
تخيل تصحى من النوم تلاقى جماعه دينيه جديده طلعت
وواقفه الند بالند للاخوان .. وقوم فجاه لقينا تيار سياسي سلفي على تيار سياسي شيعي
قوم فجأه لقينا خمسين مرشد اعلى وخمسين آية الله
وناس بتلبس جلاليب بيضه وناس بتلبس جلاليب سوده
وتبقى الاستجوابات فمجلس الشعب من عضو كتله السلفيين للوزير عضو الكتله الاخوانجيه
وقبل الانتخابات تبدأ حملات التكفير والفتاوي على ودنه
ده فلان بيحضر مؤتمرات الحكومه فى شرم الشيخ .. ده فاسق ولا يجوز اتباعه ..
وفلان بيشرب سجائر .. وفلان بنته غير منتقبه .. وفلان ابنه كان فديسكوا فالغردقه بيشرب المسكر
تخيل بس معايا فكره ان مش الاخوان بس اللى بيمثلوا التيار الديني فمصر
المنافسه بين التيارات دي ممكن توصل بينا لفين
ايه ممكن يحصل فالبلد !!؟
هتلاقي السلفية بيقولوا لازم الزكاة تبقي في ايد الشيخ ولازم تكون دقنه اطول من تسعتلاف وخمستاشر سانتيميتر علشان يستلمها وتجوز
والشيعه هيطالبوا انصارهم بالخمس
وبدل ما ينهبنا الوطني ينهبنا الوثني
كوميديا سوداء فعلا
لو حصل اوعدك ان انا كمان ههاجر