مدونة احمس

اولا ازيك
يا رب بخير
نفسي اروح اسكندرية اقعد يومين ف الشارع بمعني الكلمة لكن مضايق من ان الناس كلها بتقول زحمة وحر بس مهما كان لا هتبقي زي القاهره ولا زي الزقازيق يعني ، بس غالبا هروح في رمضان إن شاء الله
بالنسبة لموقع الجامعه هو وقع فعلا ساعه نتيجة كلية الطب

زيك بردو مش عارف فين حزب الجبهه وليه دكتور اسامة مفيش ليه اي ظهور ع الساحه وانا متحمس ليه فعلا واكتر من ايمن نور كمان واتمني يحصل زي ما بتقول تجتمع المعارضة علي مرشح واحد وإن كنت انا مش شايف امل في كدا ، فلا الاخوان هيرضوا بمرشح ليبرالي ولا الليبرالين هيرضوا بمرشح اسلامي وحزب زي الوفد محدش عارفله حاجة اصلا ولا هيكون مع مين ولا اي حاجة وزيه التجمع بردو اللى مش هيوافق علي اي حد م الاخوان لكنه بردو مش هيقبل بليبراليين وكمان حزب زي العمل الاسلامي ( اول مرة اشوف حزب عمل يميني في العالم ) بردو مش هيقبلوا غير بمرشح اسلامي
يعني كل واحد ماشي بمزاجه لتحقيق اجندته الشخصية قبل المصلحة الاهم للوطن اتمني يحصل ائتلاف فعلا رغم اني معنديش امل
بالنسبة لموسي موسي بجد ولا ينفع حتي ف الحزب الوطني دا صفوت الشريف انضف منه
بمناسبة الهجرة
فإذا لم امت انا وانت فمن سيشعل الثورة

تحياتي

هبلغك إن شاء الله قبل ما انزل بفتره
حلوة احنا كجبهة مكنتش اعرفك انك عضو ف الجبهه وبصراحة شوفت المقر بتاعهم ف الزقازيق ما طلعتش العمارة اصلا
علي فكرة انا كمان برفض التيار السياسي الديني كفرد وشايف فعلا انهم اخطر من احزاب رجال الاعمال حاليا ، بس انا شايف دا انى مزودها شوية واني كليبرلي مضطر اقبلهم لانهم شئنا ام ابينا قطاع من الشعب حتى لو كان مضلل او غير كثيف
بالنسبة للعمل اكيد شوفت اليافطة بتاعته عن محطة الزقازيق مكتوب عليها حزب العمل الاسلامي … الاسلام هو الحل

بالنسبة لوجود دستور جديد واجتماع المعارضة حاليا عليه انا مش شايف بشاير اي حاجة
المفروض المعارضة تكون مخلصه كل حاجة من حكومة ظل مشتركة لرئيس موحد يترشح في الانتخابات لدستور بديل وقوانين بديلة وكل الحاجات دي وخلصانه من سنة فاتت ع الاقل مش لسه بنفكر نعمل دلوقتي

بالنسبة للثورة كلام صح جدا
كان مرة العسيلي بيتكلم بيقول اننا نتخصص في الثورة يعني كل واحد يغير بالطريقة اللى يقدر عليها وانا موافقك تماما ان اهم طريقة حاليا هي زيادة وعي الناس بس مش سياسي بس احنا محتاجين وعي سياسي واجتماعي واقتصادي وتغير شمال في الخطاب الديني الاسلامي كان او المسيحي وبالظبط موافقك تماما في النقطة دي
حكاية ان الناس تتحرك انا زهقت م الناس