مايو292009
ضد التمييز في حق المرأه ..
من كام يوم كنت فكافيه تشيل اوت chill out عندنا فى الزقازيق
كان فى يافطه مكنتش منتبه ليها قوي ..
مريم كانت فى الكافيه ..
كانت بتعرفني على اصدقاء جدد ليها
وقلت اما اروح اجرب العب البلياردو اللى ملعبتوش بقالى خمس سنين ده
مريم طلبت تلعب .. لقيت الويتر بيقولى ممنوع لعب البنات ..
قلت نعم .. ايه العنصريه دي ؟؟!
انا هنزل اصور اليافطه اللى تحت بقى
مريم تطوعت وقالت هنزل اصورها انا
وانا اعلنها من هنا .. لا تشيل اوت من اليوم
لغايه ما يعدلوا القوانين العنصريه دي ..
اللى عايزه تشرب شيشه من حقها تشرب شيشه .. هيا حره
واللى عايزه تلعب بلياردو تلعب .. هيا حره برضه
وفى بدل شيل اوت خمسين كافيه تاني !
انا فعلاَ اتصدمت يا أحمد لما انت قلتلى على موضوع ان ممنوع لعب البلياردو للبنات
وانت عندك حق لازم نقاطع الكافيه
ده حتى صدور اشعار اخر
انا شغال في الكافيه ده وعلى فكره البنات بتلعب بلياردو عادي لاكن موضوع الشيشه انت تر على اختك تكون عندها 18 سنه وتشرب شيشه اه رايك وعلى فكره انا عارف مريم ده كويس
قانونا ممنوع تدخين من هم اقل من 18 سنه .. لكن المنع ده لا يقتصر على الاناث .. المنع يشمل الذكور والاناث .. موضوعي واضح .. انا ارفض التمييز بناء على الجنس .. اختي اكبر من 18 سنه وعايزه تشييش هيا مسؤوله عن صحتها مهيش قاصر ولا محتاجه وصايه من حد ..