مايو112009
حتى الحب قابل للتجريد ..
تخيلي نفسك بتاكلي سندوتش بتعشقيه لمده 10 شهور كل يوم ..
طيب تخيلي لمده 10 سنين .. مدى حياتك ؟
محتمل هييجي يوم وتزهقي .. تملي .. تغيري .. تجددي !
الحب برضه بالنسبالى كده ..
هبقى بكدب عليكي لو قلت اني هفضل احبك طول عمري
هبقى كداب لو قلت ان حبي ليكي من اول يوم عرفتك لاخر يوم سبتك كان متساوي فى الكم
لو كنتى محتاجه حد يقنعك باوهام .. مش هيكون انا
انا مقتنع انه ممكن ييجي يوم و الحب ينقلب كره
ممكن ييجي يوم هتكوني فيه ماضي وذكرى
وممكن ميجيش .. لكن مقدرش اوعدك بده ..
ومعتقدش حد كمان ممكن يقدر ..
ومش هصدقك لو قلتى انك هتفضلي تحبيني طول عمرك
مهما حلفتي ومهما وعدتي .. بتكدبي ولو مش حاسه
متضربيش مثل بناس متجوزه وعايشه كويسه
كل واحد فيهم لولا القواعد والقيود كان هرب
كل واحد فيهم لو عنده الحريه كان هيكسر النمط
وانا بعشق حريتي .. اكتر من نفسي ومن حبك !
وانا بعشق حريتي .. اكتر من نفسي ومن حبك !
من كلامك معتقدش انك عرفت معنى الحب لأنك لو فعلا حسيته وعرفته كان استحاله تقول انك ممكن تحب حريتك اكتر من حبيبتك
ممكن تسميها انانيه
بس فى الاول وفى الاخر ده ترتيب اولويات نسبي مش مطلق