ودي مأساه حقيقيه عندنا فمصر .. دي مأساة كل رجل اعمال .. كل اداري .. كل مصري ..

فى معضله حقيقيه بتقابلني .. وهي اني عايز اعمل كل حاجه بأيدي وده لأسباب كتير منها

عدم وجود ناس اقدر اعتمد عليهم من ناحية الكفائة ومن ناحية الثقه

ارتفاع تكلفة الاعتماد على الآخر ذو الكفاءه ..

وده بيوصلنا لوقت كتير ضايع ومجهود كتير كان من المفروض انه ينصب فى مجال التخصص

مش هينفع اتعلم برمجه وتصميم وتسويق وادارة وخدمة عملاء وابقى الشخص الوحيد فى المشروع !

ده فعلا انتهاك وفشل ..

المأساة الحقيقيه ان ده سبب فى فشل المجتمع المدني المصري

قوة اي دولة فى العالم مبنية على قوة المؤسسات الموجوده فى المجتمع

سواء مؤسسات اقتصاديه او حقوقيه او اجتماعيه او علميه الخ

مشكلة مصر الحقيقية هي ان كل مؤسسه فمصر على الاغلب بناها شخص

او بيسيطر عليها شخص .. او ماشيه بفكر شخصي او او …

مؤسسة الفرد الواحد موجوده فمصر من نموذج البقال الى نموذج رئيس الجمهورية !

وده شيء لازم يندثر .. ولازم يتوجد فى المجتمع ده مؤسسات مدنيه قادرة وقوية ومنظمه

متنهارش بمجرد وفاة شخص او خروجه من دايرتها فى حالة فشله !

لحمله دعائيه للاخوان المسلمين

بيستخدمو الدين بشكل صريح فى تسويق مرشحيهم لمجلس الشعب

“الاسلام هو الحل .. شرع الله عز وجل”

الاسلوب السخيف من السلفيين ممثلين فى حزب النور

والاخوان ممثلين فى حزب الحريه والعداله

فى تسويق نفسهم على انهم هما الاسلام

هو اسلوب مرفوض وغير اخلاقي !

الانتخاب هيكون يوم : 2011-12-14

تاريخ الاعادة: 2011-12-21

الدايره الفردي فيها المناطق التاليه :

قسم الزقازيق اول

قسم الزقازيق ثان

مركز الزقازيق

القنايات

–

انا هختار الاتنين الشباب دول

1- حسن حمدان احمد حسن العريان

رقمه فى القائمه سيكون 54 عمال رمز سبيكة الذهب

2- شهاب ممدوح محمد ابراهيم

رقمه فى القائمه سيكون 113 فئات رمز طفائه الحريق

–

من القوائم هيكون اختياري لقائمه الكتله المصرية

رمز العين ..

–

دي اختياراتي اللى راعيت فيها وجود شباب معروف انتمائهم للثوره كمستقلين

ومن القائمه اخترت اللى شايف الكفائه .. لان د/محمد نور فرحات كعميد سابق لكليه الحقوق

وخبير دستوري .. شخص جدير انه يكون فى مجلس تشريعي ..

وطبعا القائمه اعلاه خالية من السلفيين والاخوان

لاني صراحة مش عايز رجعيين فى المجلس .. ولا عايز حزب وطني جديد بصلاحيات فاشية !

بدأت فى استرجاع ذكريات كتير من ملفات الماضي اللعين

ذكريات فى مجالات كتير مبيربطهاش ببعض غير انها كانت فمرحله زمنيه

اتولدت فيها وانتهت بسرعه جدا ومانتقلتش للاجيال المعاصره حاليا ..

وبما ان الموضوع متشعب لمجالات كتير جدا فهناخدهم واحده واحده كده ونفتكر سوا

فاكر اول عجله جبتها كانت بضهر وسنادات والكاوتشات بتاعتها بلاستيك وصغيره جدا ..

كان ابويا جابهالى معاه من السعوديه

فاكر لما عيل حاول ياخدها مني فى الشارع واديته عضه قعد يعيط نص ساعه لما الناس انقذته من فكي المفترس !

طلعت موضه بعدها الجرس بتاع العجل وبعديه السرينه والفانوس اللى بينور بمولد فى الكاوتش ..

وطبعا كان كل العجل بسبت قدام وسناده فى الجنب وشبكه ورا لو حد حب ياخد توصيله

وبعدين نزل العجل ابو زمزميه السرعات .. ده كان اختراع من اختراعات الزمن

طلع بعديه الاسكوتر .. وده كان بينزل هديه على الايس كريم تقريبا ..

ندخل بقى على الفن والغنا .. من اول الراديو واذاعة الاغاني والبرنامج الموسيقي

وياه بقى لو صوت الراديو ضعيف ونقعد نربط السلوك فى الايريال بتاع الراديو

حد فك الراديو ولعب فى الفتله بتاعه الموجه اللى بتلف دي ؟

فين ايام راديو سوا .. قبل اختراع نجوم اف ام ..

ولما كنا بنستنى حفلة ثومه كل اسبوع

والحجاره العريضه بتاعه الراديو القديم !!

وايام الكاسيت اللعينه … حد فاكر اختراع الكاسيت ابو بابين

كام واحد كان بيسجل من الراديو على الشرايط

فاكرين لما البلاستيكايه اللى بتبقى تحت الشريط بتتكسر

والكاسيت مكانش بيرضى يسجل على الشريط لو مكانتش موجوده

كام واحد حط ورقه فى المنطقه الحساسه دي من الشريط

كام واحد داس بالغلط على الزرار الاحمر اللى جوه زرار البلاي ومسح كام ثانيه من شريط

سالفه من واحد صاحبه ودعى ربنا انه ميكتشفش الجريمه دي !

حد فاكر الكاسيت ابو بابين اللى كان بيسجل من شريط لشريط !

ولا الكاسيت اللى كان بيقلب الوش لوحده من غير ما نفتح الباب اللى كان بيشلنا علشان يطلع الشريط اصلاً !!

كام واحد كان بيشتري شرايط مضروبه من ام تلاته جنيه .. انا كان عندي درج فيه كميه شرايط .. مين فاكر البوم اليسا بدي ادوب

ولا وائل كفوري انا رايح عالجيش !!!!

مين بقى خد باباه وقعد يزن على دماغه علشان يشتريله ووكمان .. وقال ايه علشان يسجل بيه المحاضرات فى الجامعه !!!

انا لما دخلت الجامعه كان الووكمان انقرض اساسا .. انا فاكر اني خليت والدي يشتريلي ووكمان سوني بحوالى 400 جنيه مصري

وكان قمة الانحراف ان الواحد يحط شريط ويسمع فى السماعات الصغيره .. وياه بقى لو الووكمان فيه راديو !!

كام واحد كان جايب حجاره من اللى بتتشحن بمبلغ وقدره

وجايب شاحن بطاريات قد كده بيشحن خمسين نوع ومقاس من بطاريات النيكل المأسوف على امرها !

فاكر كمان اول كمبيوتر والدي جابه كان ويندوز 3.11

كان بيفتح شاشه دوس اكتب فيها win علشان الويندوز يشتغل اللى كان عباره عن ماوس وايقونتين !

ومكانش عليه غير لعبه علاء الدين …

فاكرين بقى الماوسات اللى فيها بليه من تحت اللى مكانتش بتشتغل الا بالباده ..

اوف انا فاكر ان السكرول وزرارين الباك والفورارد دول كانو اختراع عظيم

حد فاكر الاسطوانات اللى كانت بتتوزع مع مجله عالم الكمبيوتر

انا فاكر اني مره انا وصحابي قلبنا فلوس الدرس علشان نشتريها

علشان كان معاها فيلم الساحر بتاع منه شلبي

والنت الدايل اب ورقم 07770777 وقبليه كروت الاشتراك

وكارت الفاكس وتعريفاته ودفع فاتوره انترنت بنت كلب وابوه قفله الخدمه من السنترال !!

كام واحد هنا استخدم الفلوبي ديسك اللى كان 1.4 ميجا بايت !!!!!!

يدوب يشيل صورتين سكس

ولا الفلوبي اللى كان 4 ميجا باين .. كان موجود فاجهزه المدرسه اللى مكانتش بتشتغل اساسا

كام واحد شاف الطابعه اللى بتطبع نقط فى المدرسه ؟

ولا الاسكانر اللى كان بيبقى معجزه القرن ويقعد نص ساعه يسحب فى الصوره ووزنه كان حوالى 4 كيلو !!

كام واحد كان حاسس ان مكنه التصوير الشارب معجزه من معجزات الزمن مع العلم بانها كانت دايما بتحشر الورق جواها !!

مين بقى فاكر الكاميرات اللى بالفيلم .. وراح حمض الفيلم فى الاستوديو وطبع الصور بمبلغ وقدره

وجاب البوم حط الصور ولزقت فيه وباظت !!

فاكرين كمبيوتر صخر .. والاتاري “الفاميلي – العائله” اللى كان فيه خمس لعب

على كل الشرايط بتاعته .. الكوره وماريو والدبابات وصياد البط والعربيات !

كام واحد فاكر المسدس بتاع البط .. اللعنه !!

انا فاكر اني لما كنت بشغل الاتاري الجيران كان بيروح من عندهم القناه الاولى

ويقعدو يتفرجو على ماريو طول اليوم اجباري

وكان طلع جهاز اسود كده مش فاكر اسمه حالياً

فاكرين البلايستيشن الكبير قوي ده اللى كان شبه الصندوق ..

كام واحد هنا اشترى اسطوانات مضروبه

ولما نزل البلايستيشن ون .. انا كنت بعشق نيد فور سبيد ..

فاكرين الكروت بتاعه الميموري ؟؟

فاكرين التليفزيونات اللى قبل اختراع البحث الالي !!

ونقعد نلف البكره لما ايدينا تورم .. سحقاً

ولا الدش اللى كان بيلف الطبق بالريموت كنترول هع

الدش فحد ذاته كان اختراع .. ده كان فى حرامي الدش !!

فين كل ده قبل اختراع وصلات الدش .. مش دلوقتي كل واحد مركب دش فى الشباك !

جت فتره كده كان كل منطقه فيها بلياردو .. بعدين سيبرات نت .. بعدين محلات اتصالات ..

سحقا لعدوى التقليد اللى فدم المجتمع ده !

مين فاكر “البخت” اللى كان عند البقالين

اللى هوه عباره عن ورقه ملزوق فيها بدبابيس لبان وفلوس وارقام بتبقى هدايا فجدول مستقل

فاكرين الطيارات البلاستيك اللى كانت بتتباع عند البقال

والبمب اللى كان بنجيبه فى العيد .. كام واحد عمل قنبله من البمب ورماها فبير السلم

وخد علقه موت علشان يكنس المدخل من الظلط الصغير

كام واحد فاكر ريحة الكبريت اللى بيبقى جوه البمب ؟

فاكرين النحل الخشب .. بكافه انواعه واحجامه .. والكُتّم

ولا البلي بكل الوانه .. والبلي القزاز الصافي .. والبليه الكبيره

ياما قعدنا بالساعات نلعب فى الشارع وانضربنا بما فيه الكفايه !

ولا سلك المواعين لما كنا بنولع فيه ويخرم الهدوم وناخد علقه للصبح

كام واحد اتشعلق على العربيات النص نقل بعد المدرسه وكان بينزل عند المطب

وياويله لو السواق خد المطب بسرعه .. احييييييييييييييه !

مره وقعت وكنت لابس اكتر من بنطلون فوق بعض علشان كنا فى الشتا

والبناطيل كلها اتفرتكت من عند الركبه .. ستي خدتني حته دين علقه !

انا فاكر اني خبيت البناطيل .. ومعرفش جابتهم منين !!!

كام واحد حط شريط فى سلوك العجله .. وحط علبه ميه معدنيه فاضيه وعمل ازعاج للمنطقه كلها

انا كنت عيل سيس

فاكرين القطر اللى كان بيمشي على قضبان بلاستيك

والعربيات اللى بالريموت اللى كانت بسلك .. بتتحرك قدام وورا بس

اللعنه كنا بنضطر نجري وراها فشخ !

كنت كييف اخبطها فى الحيطه ..

مين فاكر السمك اللى بيقعد يلف ونصطاده بالسناره المغناطيس

كام واحد جاب براده حديد وحركها بالمغناطيس من تحت الورقه

وحط معدن فعلبه الكبريت وحركه من تحت الطرابيزه

حط فاكر الطين الصلصاال .. اللى كان بيشلني واعرف لونه بيتغير ليه !!

كام واحد فك ماتور العربيه اللعبه وشغله على الحجاره وركبله مروحه وحاول يطيره

انا فاكر اني وصلته على بطاريه العربيه الـ 12 فولت وحرقلي ايدي

فاكرين الطاقيه اللى كان فيها مروحه ؟؟؟

والنضاره اللى باربع عدسات بتتفتح لفوق !

وكوتشي اميجو اللى بالبوصله واللى بينور فى الضلمه

مين فاكر التليفونات اللعبه اللى كانت بتقول الو مرحبا

انا فاكر ايام ما كان التليفون لونه رصاصي كده وفيه بكره للارقام

افتكر وقتها اننا جبنا تليفون من السعوديه كان بيسجل ارقام وكان فيه زراير كتير فوق

والواد ابن عمي حطه في فيشه الكهربا وفرقع

ولا التليفون الباناسوينك اللى كان لاسلكي بانتنه كبيره كده وفيه اربع قنوات

ياما قعدت اسمع مكالمات عليه لناس معرفهمش وحب بقى وحكاوي طول الليل

ده قبل اجهزه السيناو اللى بيبقى ليه ايريال كبير كده بيتحط عالسطح ..

كل الاختراعات دي قبل الموبايل .. مين عاصر عده الموبايل اللى مبتقراش رسايل عربي

والموبايل النوكيا 3300 الاكثر شهره ولعبه التعبان !

فاكرين اول ما الكانز نزل مصر .. انا فاكر ان البقال كان بيحط اربع علب منظر كده عالرف !

وكان بيبقى متعبي فى السعوديه .. كانز مستورد …

كام واحد لسع اصحابه بالعدسه تحت نور الشمس ؟

كام واحد كهرب اصحابه بالسلك بتاع الولاعات الفاضيه ..

فاكرين الولاعه اللى كانت بتولع بدايره كده بتعمل شراره ؟

ومجله ماجد.. كام واحد طلع عينه وهوه بيبحث عن فضولي

ورجل المستحيل “ادهم صبري”

كفايه كده .. ياريت اي حد عنده ذكريات من المرحله العمريه دي ..

خصوصا مواليد التمانينات يكتبها .. بجد الحاجات دي مش سهل ان الواحد يفتكرها

فوسط الزخم والتطور اللى احنا فيه اليومين دول !!!

هنييجي هنا بعد عشر سنين نقرا الكلام ده .. ونكتب عن الايبود الـ 160 جيجا على انه كائن منقرض

آه فعلاً .. قبل ما بيطلّعوله شهاده ميلاد

وقبل ما حد يقول فودانه شويه خراء ديني

بيكون حُر

–

بعد كده بتتولد القيود .. القواعد .. الاخلاقيات ..

وطبعاً بما انها نسبيه .. فطبيعي هيكون في شوية مارقين !

–

المجتمع اللى قانونه بيسجن انسان لانه قال رأيه بحريه

حتى لو شتم السلطه .. يبقى مجتمع اجبن من انه يستحق الحياه

يبقى مجتمع طبيعي يتولد جواه التمرد حتى فـ أبعد القلوب حباً للتمرد

تمرد على الازدواجيه والسخافه والتعنت

–

بحاول افهم مايكل نبيل مسجون ليه

واللى داسو الناس بالدبابات منقدرش نحاكمهم

اللى داسو قبلهم الناس بالمدرعات برده منقدرش نحاكمهم

–

انا شخص متمرد .. مبنكرش

بحلم باليوم اللى اكون فيه حُر .. بشكل مُطلق

عايز اعيش بره حدود القوانين والسلطات الفوقيه

القوانين السخيفه اللى برفضها .. واوقات كتييير بكسرها بكامل ارادتي

–

عندي حلم باني ابني العالم ده

العالم اللى يكون فيه كل انسان حر

العالم اللى هيكون اغلب سكانه من الشباب المتمرد

اللى بقابلهم كل يوم .. ومش قادرين يكسرو القيود

قيود الفكر والقانون والمجتمع والدين والاخلاق والماده ….. والخوف ..

بحلم بعالم الانسانيه السعيده ……..

حُب وسلام …

لن ترغب احداهن بالموت معي ..

اعرفهن لسنوات ..

لكن فى الحقيقه لم نتكلم يوماً ..

انا لا اعرفهن بالاساس ..

احببت الانطوائيه حتى انعزلت عن نفسي ..

صرت انام محتضنا جسداً عارياً فى خيالي ..

واستيقظ فى الصباح لاغتسل من دنسه ..

واعود للفراش مداعباً اياه ..

حتى النشوه !

من زمان وانا نفسي اشوف مجهودات تطوعيه عربيه لزياده المحتوى العلمي والثقافي

النهارده وقعت على التحفجية

والتحفجية .. حركه تستحق الانحناء احتراماً

مجهود بجد لازم يشكر كل من قام عليه ..

تنوع فكري .. دقه فى اختيار ذو القيمه .. ومش اي قيمه !

التحف بس

http://www.elto7fageyya.com

هوه الدومين طويل ومعقد ..

بس انا مش هسيبهم الا لما اخليهم ياخدوا اول نتيجه فكلمة التحفجيه

لكن ضميري يحملني ذنب .. ذنب من يدفعون الثمن .. من يضحون بايام من رصيد عمرهم

من يضحون بحريتهم .. الحريه التى طالما قدستها .. وآمنت بقيمتها

قد اكون مقصراً فى حق مايكل نبيل .. قد اكون مختلفاً معه فى الرأي فى بعض النقاط

قد اكون متفقاً معه فى نقاط اخرى كثيره .. كل هذا لا محل له الآن

لكن .. مايكل الآن قد دخل فى اضراب عن الطعام .. في “سجن” المرج ..

قد ينظر الناس لهتلر او القذافي على انهم مجانين او مختلين ..

لكني ارى انهم يستحقوا الاحترام لأنهم آمنوا بافكارهم

ودافعو عنها حتى النهايه ..

قد نظرت نفس النظره لمايكل .. من قبل حتى حدوث الثوره ..

نفس النظره التى كنت قد نظرتها لكريم عامر .. كان عقلي يرفض فكره الاستعداد للسجن ..

فى حين انه يمكنني قول ما اريد بشخصيه وهميه دون مواجهة آلة الدوله القانونيه !

خصوصا اني ادرك اني اخالف القانون .. وان كنت اطالب بحق .. فالبيروقراطيه تعرف النصوص لا تعرف المنطق !

ما اردت ان اكتبه الآن .. ادرك جيدا انه لن يزيح شبح تأنيب الضمير من على كتفي

فحق مايكل وغيره على كل انسان حر اكبر بكثير من بعض السطور او بعض مقاطع الفيديو ..

ما اريد ان اكتبه .. وان انبه الكل اليه .. وان اقوله للعالم اجمع ..

ان هناك انسان .. عبر عن رأيه .. وان كان قد استخدم الفاظاً خارجه

انسان مدني .. لم يحمل السلاح قط .. ووقف ضد حاملي السلاح

كان يؤمن بالسلام .. وقد انتقد تجار السلام .. فسجنوه

كان يوماً حراً .. هو الآن سجين .. بحكم عسكري !

وانا هنا فى منزلي .. رافضاً سلطات العسكر على المجتمع المدني ..

رافضاً احكامهم العسكريه على اي مدني تحت اي مبرر ..

اذكر نفسي .. انه كان من الممكن جداً .. ان اكون مع مايكل فى نفس الزنزانه !

فاي مدون – تحدث عن السياسه – على مدونته ما يضمن سجنه لعشرات السنين طبقاً للقانون العسكري !!

ارفضوا معي الاحكام العسكريه .. لست اطلب من العسكر هنا ان يطلقوا سراحه ..

اطلب من كل انسان مدني يؤمن بالحريه .. ان يدافع عن حق مايكل فى ان يحاكم مدنياً ..

عن حق مايكل فى ان يكون حراً طليقاً ..

زمان كنت متعود اكتب كتير فى البلوج .. واللطيف ان كان فى ناس بتتابع كتاباتي

وكان فى ردود سلبيه .. لكن كان في كمان ردود ايجابيه محفزه .. تخليني اكمل ..

بس من سنتين .. رغبتي فى الكتابه قلت بشكل مفاجيء .. انا شايف ان ده كان لسببين :

اهمهم اني حبيت مساحه من الخصوصيه ..

محستش بارتياح لما لاقيت واحد معرفوش يعرف انا سافرت فين وعملت ايه ..

مع العلم باني كنت كاتب ده بنفسي .. الخصوصيه .. مع تقدم العمر الواحد بيقدر قيمتها ..

السبب التاني اني بدأت احس بعدم جدوى الكتابه .. اقصد بالنسبه ليا .. لو انت بتحب الكتابه

متتراجعش عنها .. الكتابه ممتعه للى بيحبها .. متاخدش كلامي ده بشكل سلبي

انا بتكلم عني .. انا مبقتش حاسس باهميه او هدف لكتاباتي بالرغم من اصحابي اللى كانوا متابعينها

بالرغم من اني لما كنت بعبر عن افكاري قابلت شخص متفق معايا فكريا .. واللى عرفني على حبيبته

اللى بقت حبيبتي .. البنت الوحيده اللى حبتها بجد وخرجتني من كل قوالب وصناديق حياتي لحياه جديده ..

واللى كان التدوين صندوق منهم .. او الحياه الالكترونيه بمعنى ادق ..

المهم .. احنا سبنا بعض .. مش معنى ده اني هرجع للتدوين تاني .. انا هكتب لما هحب اكتب ..

ولو اني مش متاكد اني دايماً هقدر اعمل ده .. مش عارف اذا كان ده شيء صح من الاساس ..

فاكر انها قالتلى مفيش حاجه صح وحاجه غلط .. متفق معاها .. بتمنالها حياه سعيده .. وبعتذر لحبيبها الاول ..

لسه متفرج على فيلم Friends with Benefits

هوه السبب فى الحاله الى مش لطيفه نفسيا اللى انا فيها دي .. وبما اني مش لاقى حد اكلمه

فانا هرغي هنا لغايه ما اهدى شويه .. الفيلم متفق مع فيلمين break up artiest و No Strings Attached

فى سيناريو ان اتنين اغراب او اصحاب بيدخلوا فى علاقه ما غير علاقة الحب وبينتهي بيهم الموضوع فى علاقه حب ..

بغض النظر عن فكرة الاوبن ريليشن شيب .. ومدى نجاح الانسان فى انه يفصل مشاعره عن النشاط الجنسي ..

التلات افلام متفقين على نهايه واحده .. الطرفين بيحبو بعض وبتبقى علاقه عاطفيه بحته

طيب .. انا ليه عقلي رافض الفكره زي كل الاطراف فى بدايه الافلام .. ليه معنديش مانع ادخل التجربه بنفسي ..

احساس تجربه الحظ .. رمي النرد .. استكشاف المجهول .. ولو اني من محبي التخطيط اكتر ..

انا فى نهايه الفيلم خدت قرار .. بان ده نوع الافلام اللى مينفعش اتفرج عليه وانا فحاله عاطفيه غير مستقره

الفيلم فعلا مُدمّر .. مُحبط .. كله تقلبات نفسيه ..

وبس .. دي نهايه التدوينه دي ..

وقعدت ادعبس فى الكتابات اللى كنت بكتبها عالوال من سنتين فاتوا

حبيت اعيد نشر حاجات منهم .. بعضهم حقوق التاليف ليهم محفوظه ليا وبعضهم معرفش جبتهم منين

–

مستحيل النيل هيجري .. عكس مجراه الاساسي .. من هنا سكه سلامتك .. صحصحي العقل اللى ناسي

3/3/2009

–

feelings like I’ve never lost you and feelings like I’ve never have you again in my life ..

24/3/2009

–

نظره فاحساس رائع .. لحظه مسروقه من الزمان .. وبعدها كل فى طريق .. لن نكون يوماً لبعض

11/4/2009

–

ازاي هيكون انسان بصحيح .. من غير ما يقول الرأي صريح .. من غير ما يغني بحريه

12/5/2009

–

Freedom Means Nothing , If You Don’t Have Opinion to Say !

14/5/2009

–

a life without orgasms , is like a world without flowers !

19/5/2009

–

لو كنت سمكه .. مكانش الناموس قرصني

26/5/2009

–

its not a shame .. we masturbate .. the real shame .. we cant have sex like normal humans around the world !

2/6/2009

–

after 7 days .. she didn’t say “i miss you” , so probably she didn’t miss me .. is it a sign for something ?!

6/6/2009

–

الدين والوطن ايديولوجيات لا تختلف كثيراً .. في بعض الاوقات ارفضها واعود لانتمائي الوحيد الذي اثق فيه .. انا انسان

9/6/2009

–

مبقتش عارف هوه القطر بييجي المحطه متاخر علشان الناس بتتاخر ولا الناس اللى بقت بتتاخر علشان القطر بييجي متأخر ؟!

17/6/2009

–

إن الحرية حق .. وان استحقاقنا للحرية لا يتقرر بما آخذناه منها بل يحرضنا دائماً على ما لم ننله بعد .. جمال عبد الناصر

1/7/2009

–

First rule of business, protect your investment – Etiquette of the Banker 1775

2/7/2009

–

لا يستطيع المرء ان يكون فى سلام مالم يتمتع بحريته .. مالكوم اكس

13/7/2009

–

اذا كان ذنبي ان حبك سيدي .. فكل ليالي العاشقين ذنوبي .. اتوب الى ربي واني لمرةٍ يسامحني ربي .. اليكي اتوبُ

17/7/2009

–

let her drink , watch the real personality .. now you can decide !

18/7/2009

–

you had a chance once with her , you fucked it up .. she went forever .. so what !!

19/7/2009

–

قومي من تحت الرمل .. كزهره لوز فى نيسان .. قومي من حزنك .. ان الثورة تولد من رحم الأحزان .. قومي اكراماً للإنسان

30/7/2009

–

ية هي أن نعي أننا فعلنا الكثير من الأشياء العظيمة مع بعضنا البعض، وأننا نتطلع لعمل المزيد منها معا

5/9/2009

–

انت شايف الحب كله عيون وهمس .. لكن انا شايف احلى كلام عشاق .. يا حبيبي .. هوه كلام الشفايف – البوس يعني

10/9/2009

–

انا حشّاش – أحمد فؤاد نجم .. ياريت يبقى عندنا الجرأه نقول حقيقتنا للناس بدون خوف او نفاق

11/9/2009

–

من كان منكم بلا خطيئه .. فليرمها بحجر – السيد المسيح

10/9/2009

–

رغم كل حقارات الصحافه الصفراء … الا اني ادركت اخيراً انه لن يأتي التقدم بلا حرية مطلقه للصحافه والنشر .. بكل ما قد تحمله من تجاوزات

22/9/2009

–

الجريمة الأخطر من حرق الكتب … هي عدم قراءتها

23/9/20009

–

she used to say you are the only one who understand me, feel whats inside me pla pla and with days.. not any more ! not even Hola !!

25/9/2009

–

الهانم مش عارفه يعني ايه ماستربيشن .. بعتلها لينك على ويكيبديا قالتلى انت حيوان !!

7/10/2009

–

القانون المصري لا يعاقب على المثليه الجنسيه .. القانون لا يعاقب على الفجور الشخصي .. القانون يعاقب على العلنيه ويعاقب على الدعوه لممارسه الفجور وتسهيله للغير .. لذلك لن يحاكم نور الشريف لكونه مثليا اذا كان كذلك ولكن ستكون الدعوى لتنظيمه لشبكه لتسهيل الممارسه الملثيه اذا صحت الإدعائات

8/10/2009

–

يمكن ان ننتظر خيراً من نظام لا يمكننا معاقبته إذا اخطأ

20/10/2009

–

هتفرق ازاي فى رجوله الواحد انه يغسل شعره بالصابون او بالشامبو .. ملعون ابو التفاهه

29/10/2009

–

عزيزتي .. ان لم تستطيعي فهم من امامك .. فلا تفترضي انك اذكى منه .. ولو من باب الاحتياط

1/11/2009

–

لا يتوجب على الملحد ايجاد تفسير منطقي لنشأة الكون والإنسان .. يكفيه فقط رفض التفسير الديني لعدم منطقيته .. يمكنه رفض تبنى نظريات داروين .. يكفيه فقط رفض النظريه الإلهيه

3/11/2009

–

نفس الناس اللى كانت دايما بتقول ان مصر ولّاده .. بيحاولوا يقولوا ان مصر مجابتش غير مبارك

5/11/2009

–

i lost the hope .. and once i met her .. i felt it again .. then she left .. and i forgot thats there are hope .. and i relaised that she was the hope .. and gone forever ..

10/11/2009

–

نفس المتشدقين بكون جمال قد نشأ فى احد البيوت السياسيه .. تناسو ان مبارك نفسه قد نشأ فى بيت بيروقراطي لا صله له بالسياسه .. فهل هم مقتنعين بان يجلس جمال فى الحكم 25 عاما اخرى ليتمرس فنون السياسه الحقيقيه .. وان كنت لست مقتنعا بقدرة البيت السياسي على اخراج رئيس جمهوريه بهذه البساطه .. وخصوصا ان كان بيت ديكتاتور يتشبث فى الكرسي ولا يريد حتى ان يموت

11/11/2009

–

the Arab youth sometimes smile while they are taken to the slaughterhouse. – Gustave le Bon

11/11/2009

–

متى قامت الثوره .. بعد مباراة مصر والجزائر .. لماذا قامت الثوره .. لارتفاع منسوب الشوفينيه المصريه لدى الشعب وتغلبها على ايدولوجيات الانتماء العربي والاسلامي .. مين هيقوم بالثوره .. الشعب الجزائري

15/11/2009

–

Shall we then say “Goodnight” and mean “Goodbye”?

21/11/2009

–

بقولها مشتاقلك .. تقولي ربنا يسهل .. هو ربنا ده ورانا حتى فالحرام

22/11/2009

–

after watching Lord of War… i should start to sell weapons from today !!

24/11/2009

–

Is there a Gap between the Attitudes of Civilian Elites and Military Elites?

26/11/2009

–

Can military rule of a civilian population be considered anything other than a dictatorship?

29/11/2009

–

واللى يقف قدامنا فى السوق .. هيحصله اللى حصل لمرزوق .. المجتمع يتبنى الفكر الاحتكاري فى الاغاني الفلوكلوريه

2/12/2009

–

من يومها عرفت الآخر إنك مستعبط ساهي.. أيش قولة المثل الساير ياما تحت الساهي دواهي

7/12/2009

–

سالتني قبل ان تصل لذروة شهوتها “هوه اللى بعمله ده حلال ولا حرام” ورغم استغرابي من اقحامها رأي الالهه حتى فى عادتها السريه .. اجبتها عبر الهاتف .. كالمعتاد من رجال الدين بعضهم يحلل وبعضهم يحرم .. لكني مع الراي القائل باستحبابها اذا كانت ستعصم من الوقوع فى الزنا .. فمن المحتمل انك تاخذين بعض الحسنات الآن .. وانا كمان

8/12/2009

–

speaker : %50 of survey made in america believe that africa is one country and its president is nilsson mandila

16/12/2009

–

الى شركات السياحه فى مصر .. توقفوا عن ارضاء وزير السياحه .. واتجهوا الى ارضاء العميل .. احد المتحدثين بالمؤتمر

16/12/2009

–

its very stubed that internet in five star hotel is Not FREE !

16/12/2009

–

لماذا تختفي تضاريس الانوثه لدي السيدات المصريات مبكرا .. سؤال يطرح نفسه امام البسين

17/12/2009

–

تنام فى حضني عاريه .. هادئه كالقطه بعد تعب اللعب .. اهمس فى اذنها “بحبك” .. مدهوشة تنظر الى عيني .. “لسه فاكر تقولها !” ..

19/12/2009

–

حازم انت مشكلتك انك عايز تمسك العصايه من النص .. يوم تبقى نسونجي .. ويوم تبقى حبيب

21/12/2009

–

رغم كل اللى صار .. والفكر العاصف كالاعصار .. محظوظ ارى نفسي .. حتى في قمة الاستهتار

27/12/2009

–

فلتؤمني انه و برغم اسلوبي اللعوب .. إني أخاف عليكِ .. من عصف حُبي ومِني

28/12/2009

–

كنا نتحدث عن الدوجي بوزيشن .. ونصحتها بانها يجب ان تفقد بعض الوزن من منطقه الارداف .. فردت “انا خسيت اساسا لدرجة ان صدري عضم” فكان ردي المفاجيء ” لا طبعاً اتخني تاني .. اهم حاجه الصدر” قال دوجي قال

29/12/2009

–

اسمحلي انصحك .. لو كنت عايز تبقى مجرم .. اشتغل لحسابك .. ليه تضيع عمرك علشان غيرك ؟

30/12/2009

–

يا مَنْ تحدَّيتِ النجُومَ ترفُّعاً .. مِنْ أينَ جئتِ بكلِّ هذا العُنْفُوانْ ؟

31/12/2009

–

دول اول مجموعه .. الباقى هحاول انزله فى تدوينات قادمه